Tre kara fratamiko, s-ro Asai Kijotaka,
Mi kaj mia filino Dulce Mara fartas bone.
Ŝi ofte parolas pri via amika helpo dum nia vizito al Kameoka, kaj ni estas eterne dankaj al vi, kara Asai-sensei!
Mi bedaŭras, ke mi devis ĝeni vin per miaj petoj pri albumoj kaj album-folioj, en la filatela butiko, kiun nur vi scias en Kioto.
Pere de nia komuna amiko Ago-sensei, kiel eble plej baldaŭ mi sendos al vi la koncernan monsumon (12500 jen).
Kun elkora danko, mi esprimas sincerajn bondezirojn por sano kaj feliĉo al vi kaj via estimata familio.