Fluas nun sango senkulpa,
sur Vana'diel, vasta ter'.
Tremas la tuta mond'
pro l' plago en desper'.
Preventas ĝin nenia sort'.
Haltigas ĝin nenia fort'.
Sed tra la nokto tempesta
brilas jen stelo de glor'!
Kontraŭ brutala kri'
fontas jen kant-sonor'!
Stelo brilanta, kanto sonanta:
revo kaj preĝo por ni!
Mano kaj man' kunpremitaj
trans la eterno sen lim'
ne dismetiĝos plu,
ne disligiĝos plu!